Makina e Ambasadës së Kosovës në Tiranë është grabitur të mërkurën në kryeqytetin e Shqipërisë, por policia ka arritur ta gjejë dhe arrestojë autorin brenda 60 minutash.
Burime nga policia thanë për SYRI.net se mbrëmjen e djeshme kanë vënë në pranga Niko Zaimin, 31 vjeç sepse mesditën e djeshme rreth orës 14:00, në rrugën “Shemsi Haka”, ka vjedhur mjetin tip “BMW”, me targë CD 5500 1, në pronësi të Ambasadës së Kosovës në Tiranë.
Policia tha se makina ishte nën emri e përfaqësuesit të Kosovës në Tiranë, Feriz Selimi. Menjëherë sapo është shpallur e vjedhur makina, policia është vënë në ndjekje të saj dhe ka bërë të mundur kapjen rreth 30 minuta më pas.
Personi i arrestuar është justifikuar duke thënë se e kishte marrë për një xhiro.
Grabitet makina e ambasades se Kosoves by news-al
