Përdoruesit e internetit mbetën të habitur me videon e publikuar që është bërë virale, në të cilën shfaqet një grua duke shëtitur qenin e saj rrugëve të SHBA-ve.
Megjithatë madhësia e kësaj kafshe i ka vënë në lajthitje shumë qytetarë, që disa po mendojnë se bëhet fjalë për ujk e assesi për qen, transmeton Telegrafi.
Videoja e shpërndarë në internet nga ueb-faqja Worldstar, shkruan se “njerëzve nuk u besohej se çfarë kjo grua mbante të lidhur me litar, a është qen apo ujk”.
Nuk dihet saktësisht se ku është realizuar kjo video, pavarësisht që shumë nëna dhe fëmijët e tyre grindeshin rreth çështjes se për çfarë lloji të kafshës bëhej fjalë.
Vetëm nga e hëna, videoja ka marrë qindra mijëra shikime, ndërsa komentet ishin aq të shumta – sa që komentuesit akoma po grinden rreth çështjes së kësaj kafshe. /Telegrafi/
