Videoja bëhet virale, qeni bën sjellje të çuditshme para tërmetit që goditi Turqinë – mundohet të alarmojë qytetarët

Numri i të vdekurve nga dy tërmetet shkatërruese që goditën dje Turqinë dhe Sirinë ka shkuar në 5.200, kurse dhjetëra mijëra tjerë janë lënduar, e me mijëra kanë ngecur nën rrënojat e ndërtesave të shembura.

Shumë qytetarë e kaluan natën jashtë, pasi mbetën pa kulm mbi kokë si pasojë e tërmeteve, që kishin fuqi shkatërruese prej 7.8 magnitudë dhe 7.6, transmeton Telegrafi.

E një video e publikuar në rrjetet sociale ka tërhequr vëmendjen e përdoruesve, ku shihet sesi një qen (miku më i mirë i njeriut), tenton të paralajmërojë qytetarët se do të vijë deri te katastrofa.

Lexo po ashtu Një nga fotot më tronditëse: Një baba duke mbajtur dorën e vajzës së tij 15-vjeçare të vdekur pas tërmetit në Turqi

Tingullin që e lëshonte qeni ngjasonte shumë me sirenat që paralajmërojnë sulmet ajrore në rast të ndonjë lufte. Videoja është realizuar rreth orës katër të mëngjesit, e disa momente më pas kishte ndodhur tërmeti.

Pak para tërmetit kishin reaguar çuditshëm është zogjtë, që bënin lëvizje të pakontrolluara. Ndryshe sjelljet e çuditshme të qenve që paralajmërojnë katastrofat natyrore. /Telegrafi/