Një video mahnitëse individuale e Karim Benzemas kundër Uellsit tregon lojën dhe lidhjen telepatike me dyshen e sulmit, Kylian Mbappe dhe Antoine Griezmann.
Benzema luajti gjithë ndeshjen në kthimin e tij te Franca pavarësisht se humbi një penallti në pjesën e parë ndërsa fituesit e Kupës së Botës mundën Uellsin 3-0 përpara nisjes së Euro 2020.
Sulmuesi i Real Madridit bëri paraqitjen e tij të parë për kombëtaren ‘Les Bleus’ që nga tetori i vitit 2015 pasi ai dhe trajneri Didier Deschamps nuk kishte raporte aspak të mira.
Por, sulmuesi 33-vjeçar dha një performancë mjeshtërore në krye të sulmit të Francës në paraqitjen e tij të parë pas rikthimit.
Ai nuk arriti të shënonte gol, por shkëlqeu në sulm – duke krijuar një marrëdhënie vdekjeprurëse në fushë me yjet e sulmit, Mbappe dhe Griezmann.
Treshja bëri kërdinë gjithë mbrëmjen, duke krijuar shanse dhe pasime të mira mes vete, ndërsa përgatiteshin me stil për turneun e kësaj vere.
Partneriteti i Benzemas me Mbappe dhe Griezmann mund të rezultojë vdekjeprurëse në Euro 2020 për ekipet kundërshtare.
Një video e Benzemas tashmë është shpërndarë në internet dhe kjo po bën bujë pasi po vlerësohet lartë bashkëpunimi i tij me bashkëlojtarët e sulmit. /Telegrafi/
Karim @Benzema vs Wales.https://t.co/UvenbzNRG0
— 𝟗 🇵🇸 (@GreatWhiteNueve) June 2, 2021