Video e Messit të ‘vetmuar’ nga bashkëlojtarët e PSG-së po shqetëson tifozët tashmë

Fillimi i parë i Lionel Messit në Paris Saint-Germain përfundoi me një barazim 1-1 me Club Brugge, me pamjet që dëshmuan se ai ishte ‘i lënë vetëm’  nga shokët e tij të skuadrës.

PSG nuk arriti të marrë me shumë se një barazim 1-1 në udhëtim te Club Brugge në ndeshjen e parë të grupeve në Ligën e Kampionëve.

Kjo ndeshje ishte e para për Messin te klubi parisien në Ligën e Kampionëve dhe pritej një fitore e lehtë e tyre ndaj belgëve.

Lexo po ashtu PSG nuk fiton ndaj Brugge në debutimin e Messit në Ligën e Kampionëve

Megjithatë, gjashtë herë fituesi i Topit të Artë nuk mundi ta çojë PSG-në drejt fitores në ndeshjen e parë të së mërkurës mbrëma në Ligën e Kampionëve.

Ai pati një natë të qetë sipas standardeve të tij të larta dhe disa mendojnë se ata kanë përcaktuar saktësisht pse kjo ndodhi.

Një faqe me emrin “MessiMX30i” ka ndarë pamjet e Messit duke u përpjekur të thyejë prapavijën e fortë të Club Brugge, por asnjë nga shokët e tij të skuadrës nuk e ndihmoi.

Messi përpiqet të driblojë rrugën e tij teksa yjet e tjerë të PSG-së vetëm qëndrojnë dhe e shikojnë atë, duke mos lëvizur fare për të kërkuar topin.

Kjo e detyroi Messin të ndalonte sulmet dhe të bënte një pasim pas.

Kjo situatë dukej e ngjashme me kohën e Messit në Barcelonë kur ai u bë porta e vetme sulmuese e klubit nga Camp Nou.

Tifozët tashmë kanë shprehur shqetësimin e tyre dhe mendojnë se PSG mund të jetë skuadra e gabuar për Messin, pavarësisht se ka kaluar vetëm një muaj që kur ai u bashkua. /Telegrafi/