Trajneri i Manchester Unitedit, Jose Mourinho, ka vendosur si prioritet transferimi në verë mesfushori i Bayern Munichut, Arturo Vidal.
Special One dëshiron të krijoj një ekip të frikshëm të Unitedit për sezonin e ardhshëm dhe tashmë ka etiketuar disa nga ta.
Njëri nga prioritet kryesore për Mourinhon padyshim se është mesfushori kilian i Bayernit, Vidal, të cilin e do në Old Trafford.
Sipas mediumit lokal Manchester Evening News, Mourinho dëshiron që Vidali të jetë pjesë e mesfushën së tij që nga vera.
Menaxheri i Djajve të Kuq do të drejtojë timonin e tij drejt Vidalit kur afati kalimtar i transferimeve të rihapet në fund të sezonit, me Michael Carrick që do të pensionohet zyrtarisht.
Mourinho dëshiron të paktën një mesfushor të ri dhe ka identifikuar Vidalin e Bayern Munichut si një objektiv ideal për të rritur cilësinë dhe agresivitetin në mesfushën e Unitedit.
Duke nënshkruar vetëm me Alexis Sanchezin për të shtuar më shumë pjekurinë në sulmin e tij, ai sheh shokun e tij kilian, 30-vjeçarin Vidal si të aftë për të bërë veprimin e ngjashëm si bashkëkombësi.
Çmimi i mesfushorit kilian besohet të jetë minimalisht 50 milionë euro. /Telegrafi/