Shërbimi Korrektues ka bërë të ditur se F.I, i lindur më 1987, dyshohet se ka kryer vetvarje në dritaren e banjos së dhomës në Qendrën e Paraburgimit Prizren.
Viktima ishte arrestuar më 10 shtator të këtij viti për veprën penale – grabitje.
Ai ka qenë në paraburgim që nga data 11 shtator, kur edhe i është caktuar masa nga Gjykata e Prizrenit dhe masa i është vazhduar deri më 10 dhjetor.
Telegrafi ka kontaktuar avkatin Nexhat Elshani, të cilin familja e kishte autorizuar për t’u marrë me rastin.
Elshani ka thënë se ka çuar kërkesë disa herë që F.I., të dërgohet për ezaminim mjekësor, që të kuptohet nëse është i aftë, por sipas tij të gjitha i janë refuzuar.
Po ashtu, thekson se edhe raportet e tij mjekësore të dorëzuara për viktimën gjykata i ka hedhur poshtë.
“Kam kërkuar që të dërgohet për ekzaminim mjekësor, që të kuptohet po ashtu edhe nga psikiatri për gjendjen e tij shëndetësore nësë është i aftë, nëse jo të dërgohet për shërim. Po ashtu unë vet kam dorëzu disa raporte mjekësore, gjykata mi ka refuzu të gjitha”, u shpreh Elshani.
Tutje, tha se për këtë do të ngrit padi dhe kërkesë për dëme.
“Do të kërojmë përgjegjësi. Po ashtu do të bëjmë padi dhe kërkesë për dëme”, deklaroi Elshani./Telegrafi/