Vetura po i fundosej së bashku me të, ajo bënte selfie mbi automjet

Një grua kanadeze e cila u shpëtua pasi vetura iu fundos përmes një lumi të mbuluar me akull, po përballet me kritika të ashpra për marrjen e selfieve ndërsa jeta e saj ishte në rrezik.

Banorët pranë lumit Rideau përdorën kajakë dhe litarë për të nxjerrë gruan nga lumi, por më parë ajo kishte bërë një selfie në majë të veturës që po fundosej.

Zyrtarët e policisë së Otavës thanë se makina kaloi nëpër akull në skajin jugor të lumit në periferi të Manotik të dielën rreth orës 4:30 pasdite.

Vetura po lëvizte në një lumë të ngrirë, sipas dëshmitarëve, të cilët thanë se ka kaluar nëpër akull dhe ujë të ftohtë, raporton CTV News.

Kur panë gruan duke u ngjitur në majë të mjetit, i cili dalëngadalë po zhytej në ujë, vendasit nxituan ta shpëtonin.

Videoja tregon një vendas duke tërhequr një kajak me një grua në të, ndërsa automjeti i saj u fundos. /Telegrafi/