Vetura jashtëzakonisht e shtrenjtë Rimac duhet t’i nënshtrohet testeve të zakonshme të përplasjes.
Prodhuesi kroat i makinave elektronike prezantoi Rimac C_Two në vitin 2018. Tani prodhimi në seri është në pritje. Por, para se të fillojë ajo, Rimac duhet t’i nënshtrohet testeve të zakonshme të përplasjes.
Prodhuesi ka publikuar video të kësaj.
1 milion dollarë për prototip
Sipas prodhuesit, C_Two i mbijetoi testeve të përplasjes shumë mirë. Rimac dëshiron të shkatërrojë gjithsej 11 prototipa të veturës për testet e përplasjes. Kjo është veçanërisht një shumë e madhe kur mbani në mend se prodhuesi nuk dëshiron të prodhojë dhe shesë më shumë se 150 njësi të C_Two.
Në gusht, Rimac njoftoi se 30 prototipa do të përdoren për testet e përplasjes. Një prototip thuhet se kushton 1 milion dollarë.
Vetura elektrike sportive C_Two mundësohet nga 4 motorë elektrikë, të cilët së bashku kanë një prodhim prej 1,914 kuaj fuqi.
Dhe shpejtësinë nga 0 në 100 km / orë e arrin në vetë 1.85 sekonda. C_Two madje lë pas vetes edhe Roadster-in e ri të Tesla-s. Shpejtësia maksimale është e rrethuar në mënyrë elektronike me 412 km / orë.
Çmimi i shitjes është ende në pritje
Bateria në bord ka një kapacitet prej 120 kilovat orë. Sipas metodës NEDC, duhet të udhëtoni 650 kilometra me një bateri të vetme.
Falë përdorimit bujar të fibrave të karbonit, pesha e automjetit mbetet relativisht e ulët pavarësisht baterisë së madhe.
Prodhuesi ende nuk ka njoftuar një çmim të shitjes. Rimac C_Two besohet se do të kushtojë më pak se 2 milionë dollarë.
