Kompanitë italiane dhe kineze, kanë bashkuar forcat për të sjellë ‘ikonën’ që është e punuar tërësisht nga titaniumi.
Icona Vulcano Titanium është punuar me dorë për 12 muaj, dhe në fillim të shtatorit do të jetë gati për shitje, transmeton Telegrafi.
Por, sa do të kushtojë kjo super-makinë?
Vetëm blerësit me xhepa të thellë, kanë mundësi të paguajnë për automobilin e veçantë që ka çmimin fillestar prej 2.5 milionë euro.
Sidoqoftë, pronari i makinës 6.2-litra V8 që ka 670-kuaj fuqi, mund të përjetojë vozitjen në komoditet dhe shpejtësi të lartë. Për shkak të motorit dhe ndërtimit të posaçëm, kjo veturë e arrin shpejtësinë nga zero deri në 100 km/h për 2.8-sekonda.
Në fotografitë e postuara më poshtë, mund t’i shihni nga afër makinën që është e para e punuar tërësisht me titanium. /Telegrafi/
