Luiz Antonio Santos Silva nga Brazili u arrestua pasi u zbulua se kishte mbajtur robër gruan dhe dy fëmijët për 17 vjet.
Një familje u shpëtua nga një shtëpi tmerri në perëndim të Rio de Janeiros.
Me të arritur në shtëpi, efektivët e policisë gjetën dy fëmijë, 19 dhe 22 vjeç, të shtrirë në dysheme të lidhur dhe të vdekur nga uria. Nëna e tyre ishte e shtrirë në dhomën tjetër, siç doli më vonë.
Pas shpëtimit, gruaja tha se burri i saj i kishte thënë se “vetëm të vdekur mund të dalim nga shtëpia”. Ajo tha se së bashku me fëmijët e saj kishin tre ditë pa ushqim dhe se Silva i dhunonte fizikisht pothuajse çdo ditë. Të dy ishin të martuar për 23 vjet.
Mother imprisoned in Brazil for 17 years speaks of ordeal https://t.co/QvowdGgLKg
— BBC News (World) (@BBCWorld) July 30, 2022
Policia ka publikuar fotot e shtëpisë së rrënuar ku mbaheshin.
Kapiteni i Policisë Ushtarake William Olivera tha se fëmijët, për shkak të kequshqyerjes, duken shumë më të rinj.
Pasi u shpëtuan, ata u dërguan në spital për trajtim për dehidrim të rëndë dhe kequshqyerje.
Shërbimi i Punëve të Brendshme të Policisë Civile ka hapur një hetim se pse familja nuk është shpëtuar më herët, pasi siç raportojnë mediat vendase, gjendja e familjes është raportuar në organet kompetente në vitin 2020. /Telegrafi/
