Edhe pse ishte paralajmëruar, dy anëtarët e mbetur në komisionin për parandalimin e korrupsionit ende nuk kanë dhënë dorëheqje pas skandalit me keqpërdorimin e parave publike.
Ditë më parë dhanë dorëheqje pesë nga shtatë anëtarë të Komisionit, përfshirë edhe kryetarin Igor Tanturovski.
Megjithatë, dy anëtarët tjerë, Najdo Spasevski dhe Suzana Taskova Axhikotareva, edhe më tej refuzojnë të dorëhiqen shkaku se siç kanë thënë, ata nuk janë përmendur në raportin për revizion.
Por sipas raportit të revizionit, përveç shpenzimeve të panevojshme të parave të buxhetit, ka patur edhe shpenzime për dreka dhe darka në restorante të cilat anëtarë të Komisionit i kanë bërë gjatë udhëtimit jashtë shtetit, si dhe shpenzime për marrjen me qira të banesave, dhe anëtarët që ende nuk janë tërhequr ose kanë ardhur shumë pak në punë, ose kan shpenzuar tej mase për taksi.