Kampionati Evropian Euro 2024 është duke afruar dhe Përfaqësuesja e Anglisë është një nga favoritët e mëdhenj për ta fituar trofeun.
Kjo falë edhe formës fantastike të futbollistëve anglez si Jude Bellingham, Cole Palmer, Bukayo Saka, Harry Kane, Declan Rice apo Phil Foden.
Legjenda e futbollit anglez, Rio Ferdinand i ka dhënë një këshillë shumë të vlefshme trajnerit të Anglisë, Gareth Southgate.
Ish-mbrojtësi ka këshilluar Southgate që të luaj me një mesfushë me Rice, Bellingham e Foden dhe këta dy të fundit t’i lë të lirë të luajnë në fushë.
“Do të vendosja Rice në mesfushë në rolin e shkatërruesit dhe përpara dyshen Foden-Bellingham. Do t’i lija të lirë ata, thjesht do u thoja të luanin siç ata dinë dhe të fitojnë ndeshjet dhe në fund Evropianin”.
Ish-qendërmbrojtësi i Man Utd beson se nëse dyshja në fjalë do të kenë lirinë në fushë do t’ia fitojnë Anglisë Kupën e Euro 2024.
“Nëse do të kenë lirinë e duhur në fushë, atëherë ata të dy na japin Evropianin”, tha Ferdinand. /Telegrafi/