Një burrë që mbante një thikë u arrestua jashtë Shtëpisë së Bardhë pasi ai i tha një oficeri të Shërbimit Sekret amerikan se ai ishte atje për të vrarë presidentin, tha policia.
Sipas mediave të huaja, përcjell Telegrafi, Roger Hedgpeth, 25 vjeç, u arrestua pasditen e së shtunës me akuzën se bëri kërcënime për të bërë dëm trupor, tha Departamenti i Policisë Metropolitane.
Hedgpeth iu afrua një oficeri të Shërbimit Sekret, i cili po patrullonte jashtë Shtëpisë së Bardhë dhe tha se ishte atje për të “vrarë” presidentin Donald Trump dhe “unë kam një thikë për ta bërë këtë”, sipas një raporti policor të marrë nga Associated Press.
Policia gjeti një thikë rreth 10 centimetra tek ai, dhe Hedgpeth gjithashtu kishte një parzmore pistolete boshe, thanë autoritetet.
Më pas, Hedgpeth u mor në paraburgim dhe u dërgua në një spital për një vlerësim të shëndetit mendor, tha policia. Oficerët gjithashtu bllokuan automjetin e tij. /Telegrafi/