Një vetaksident me fatalitet ka ndodhur këtë të enjte në Lobuzhdë të Istogut.
Rastin e ka bërë të ditur zëdhënësi i Policisë për rajonin e Pejës, Fadil Gashi.
Gashi ka thënë se në veturë ndodhej vetëm viktima.
“Rreth orës 18:50, policia është njoftuar për një aksident në Lobuzhdë të Istogut. Me të arritur në vendin e ngjarjes, policia mësoi se bëhet fjalë për vetaksident. Një person ka qenë në veturë. Është njoftuar stafi emergjent dhe mjeku kujdestar ka konstatuar vdekjen e viktimës.
Në vendin e ngjarjes kanë dalë njësiti i hetimeve të aksidenteve dhe Prokurori./Telegrafi/