Interesi i Apple në sektorin e shëndetësisë nuk është sekret. Kompania ka blerë kompani dhe produkte të ndryshme shëndetësore, për të mos harruar edhe Apple Watch.
Pra, nuk është një befasi për të kuptuar se në një patentë të zbuluar kohët e fundit, Apple duket të jetë gjithashtu e interesuar të zhvilloj forma të tjera të teknologjisë së veshmbathjeve, si veshje të zgjuara. Patenta përshkruan krijimin e një pëlhure që mund të inkorporojë tela elektrike në veshje, aty ku mund të mos jetë e dukshme.
Këto tela mund të përdoren për t’u lidhur me sensorë që pastaj do të përdoren për të monitoruar shëndetin tuaj, si për shembull sa djersë ju prodhoni gjatë një stërvitje, temperaturën e trupit tuaj, shpejtësinë e rrahjeve të zemrës etj. Rrobat e zgjuara nuk janë saktësisht të reja, pasi Google gjithashtu po studion diçka me projektin Jacquard, por nuk ka asnjë garanci se Apple do të lansojë diçka.
CEO i Apple, Tim Cook, kohët e fundit shprehu se si ai beson se Apple do të njihet në një të ardhme të aflërt për kontributet e tyre në shëndetësi, sipas një interviste të kohëve të fundit me Jim Cramer të CNBC.
“Unë besoj se, nëse zmadhon në të ardhmen, shikoni prapa dhe ju bëni pyetjen,” Cili ishte kontributi më i madh i Apple për njerëzimin? “Do të jetë për shëndetin”. /Telegrafi/