Kryetari i Kuvendit të Kosovës, Kadri Veseli, ka falënderuar deputetët që kanë votuar Ligjin për mbrojtjen e fëmijëve.
Veseli në një postim në llogarinë e tij në Facebook, ka shkruar se duke e votuar të gjithë deputetët pa dallim, treguan se e ardhmja e sigurt e fëmijëve të Kosovës është më e rëndësishme se gjithçka tjetër.
“Falënderoj deputetët që votuan sot Ligjin për Mbrojtjen e Fëmijëve, i cili dënon çdo formë të dhunës ndaj fëmijëve. Duke e votuar të gjithë deputetët pa dallim, treguam se e ardhmja e sigurt e fëmijëve të Kosovës është më e rëndësishme se gjithçka tjetër”, ka shkruar Veseli./Telegrafi/