Kryetari i Kuvendit të Kosovës, Kadri Veseli ka bërë të ditur se ka takuar ish-kryeministrin britanik, Tony Blair.
Sipas Veselit, Toni Blair, si për çdo qytetar të Republikës së Kosovës, ashtu edhe për atë, sjell emocione të rralla në takim.
“Emocione sa miqësore aq edhe humane. E falënderova ish kryeministrin Blair për këtë. Sot, ne kemi nevojë për angazhimin e miqve tanë, të risjellin vëmendjen në Republikën e Kosovës, me qëllime e synime tjera. Ato të zhvillimit ekonomik dhe hapjen e vendeve të reja të punës. Kemi shumë argumente se kemi punuar dhe do të punojmë edhe më shumë në këtë drejtim, por kemi nevojë edhe për miq që do ta promovojnë këtë përkushtim tonin, përvoja e ekspertiza të reja në këtë fushë”, ka shkruar Veseli në Facebook. /Telegrafi/