Kryetari i Partisë Demokratike të Kosovës, Kadri Veseli ka kujtuar sulmin terrorist të 11 shtatorit ndaj kullave binjake në SHBA.
Veseli në një postim në rrjetin social Facebook shkruan se terrorizmi global po synonte të cenonte lirinë dhe sigurinë në shtetin që mbron dhe promovon botërisht këto vlera.
Lexoni të plotë postimin:
“Sulmi terrorist më 11 shtator 2001 në SHBA, ishte tejet i rëndë dhe me pasoja të mëdha për njerëzimin.
Terrorizmi global po synonte të cenonte lirinë dhe sigurinë në shtetin që mbron dhe promovon botërisht këto vlera.
Kjo ditë, është ditë e kujtimit për mijëra viktimat e pafajshme, ditë e solidaritetit me familjet që humbën më të dashurit e tyre në vendin mik, ShBA-në.
Njëherësh është ditë e kujtimit të përkushtimit dhe heroizmit të qytetarëve që kjo tragjedi të ketë sa më pak pasoja.
Nga kjo datë, bota nuk mbeti më e njëjtë, ndërsa qytetarët dhe shteti ynë iu bashkuan me vendosmëri aleancës globale kundër terrorizmit.
Kosova do të gjendet gjithmonë pranë Shteteve të Bashkuara të Amerikes, Zoti e bekoftë popullin e saj”. /Telegrafi/
