Kryetari i Kuvendit të Kosovës, Kadri Veseli ka thënë se grupi parlamentar i Vetëvendosjes asnjëherë nuk ka kërkuar drejtpërdrejtë nga Kryesia Kuvendit seancë të jashtëzakonshme për vdekjen e Astrit Deharit.
Veseli theksoi se edhe peticioni i nënshkruar nga qytetarët në asnjë moment nuk i drejtohet drejtpërdrejtë kryesisë së Kuvendit.
“Ne të gjithë jemi qenie njerëzore, unë e barti vendim marrjen te ju si deputet të Kuvendit të Kosovës”, ka thënë Veseli.
Ai shtoi se në momentin kur nuk ka manipulime, grupi parlamentar i PDK-së do të jepë nënshkrimet, dhe se ky moment është në muajin dhjetor.
“Nëse mblidhen 40 nënshkrime, PDK kërkon seancë të jashtëzakonshme me 14 dhjetor. Ju premtoj se do të diskutohet në këtë sallë, do të hapen të gjitha letrat. Atëherë do të dihet se kush duhet me marrë përgjegjësi se kush e ka nxitë dhe kush e ka shkaktuar vrasjen apo vetëvrasjen e tij”, ka thënë Veseli./Telegrafi/