Kryetari i PDK-së, Kadri Veseli, ka bashkëbiseduar përmes telefonit me shumë aktivistë të kësaj partie, të cilët i ka falënderuar për punën e palodhshme që janë duke bërë për fuqizimin e vizionit në Dekadën e Re të Kosovës.
“Në prag të Vitit të Ri, bashkëbisedova në telefon me shumë aktivistë të PDK-së. I falënderova për punën e palodhshme që janë duke bërë në fuqizimin e vizionit tonë në Dekadën e Re të Kosovës.
Ua urova Vitin e Ri, me dëshirën që në familjet e tyre dhe të çdo qytetari të Kosovës të mbizotërojë mirëqenia dhe gëzimi”, ka shkruar Veseli në një postim në Facebook. /Telegrafi/