Kryetari i Kuvendit të Kosovës, Kadri Veseli, ka thënë se 28 vjet më parë, në gushtin e vitit 1991, World Wide Web (www) filloi të funksionojë si shërbim publik, duke nisur një revolucion teknologjik që sot sipas tij, ka transformuar radikalisht jetët tona.
Veseli në një shkrim të bërë në Facebook ka thënë se është krenar me Kosovën, që sipas EUROSTAT-it qëndron në krye të Evropës, për sa i përket përhapjes së internetit me 93%.
Ai ka shpërndarë edhe një grafik që sipas Veselit tregon që Kosova jo vetëm që lë prapa vendet e rajonit, por konkurron me vendet më të zhvilluara të kontinentit, transmeton Telegrafi.
“Unë gjithmonë kam besuar se duke investuar më shumë në IT, do të mund të hapim më shumë vende të reja pune për të rinjtë tanë të talentuar, prandaj edhe kemi krijuar Ministrinë e Inovacionit e cila në të ardhmen do të jetë motor i zhvillimit të këtij sektori”, ka thënë Veseli./Telegrafi/
Grafiti i publikuar nga Veseli në Facebook:
