Një aksident trafiku ka ndodhur pasditen e së hënës (12 gusht) në Hajvali.
Në këtë aksident u raportua të jenë përfshira disa vetura, të cilat po ashtu duken edhe të dëmtuara.
Njëra prej tyre shihet se i takon ish-banores së Big Brother VIP Kosova 2, Vesa Vllasaliut.
Burime brenda Telegrafit bëjnë të ditur se bukuroshja nga Gjilani ka pësuar lëndime trupore.
Ndonëse është dërguar menjëherë për trajtim mjekësor, gjendja e saj është stabile.
Telegrafi ka kontaktuar edhe me Policinë e Kosovës, por deri më tani nuk ka marrë përgjigje.
Vesa në ndërkohë po vazhdon të jetë një personazh shumë i komentuar në media, për secilin veprim e postim që bën në rrjete sociale. /Telegrafi/