Këngëtarja shqiptare, Vesa Smolica, është mjaft aktive dhe e ndjekur në rrjetet sociale.
Artistja e njohur shpesh ndan me fansat imazhe e video të ndryshme, gjersa nuk mungon edhe me shkrime të tjera lidhur me situatat aktuale në vend.
Një të tillë e ka bërë edhe gjatë ditës së sotme (e premte) në Instagram, e cila ka kritikuar ashpër Qeverinë dhe Ministrinë e Shëndetësisë për masat e reja antiCOVID.
Postimi i plotë i këngëtares (pa ndërhyrje):
“Çka kemi faj ne të vaksinuarit, njëjtë me u përball me masat si ata të pavaksinuar?
Çka kemi faj ne, që ju keni pushuar vikendit e nuk kanë funksionu sallat e vaksinimit edhe pse ishim/jemi në gjendje kritike dhe në anën tjetër bëhej thirrja për vaksinim (në kundërshtim me fjalët e juaja).
Por shihemi në tetor se ju nevojitet me i hapë masat atëherë, shkak i fushatave zgjedhore si dikur”.
Theksojmë që sipas masave të reja që priten të merren nga Qeveria do të rikthehet ora policore e po ashtu edhe do të shtyhet viti i ri shkollor. /Telegrafi/