Këngëtarja e njohur shqiptare, Vesa Luma, këtë vit ka shënuar rikthimin e saj në muzikë me një projekt të ri muzikor, që e solli në bashkëpunim me Denik Prizrenin.
“S’paska qenë e shkrume” titullohet kënga që dyshja e sollën në mars të këtij viti, dhe që u prit mirë nga fansat e tyre.
Edhe pse bashkëpunimet nuk kanë qenë shumë të shpeshta në karrierën e Vesës, ajo ka ruajtur një raport të mirë me një numër të madh artistësh të skenës.
Këngëtarja Jehona Sopi është një nga miket më të mira të vesës, me të cilën ajo ruan raporte miqësore tash e 15 vite.
Së fundmi, këngëtarja Luma ka publikuar një fotografi në rrjetin social Instagram, ku shfaqet e buzëqeshur pranë mikeshës së saj, Jehonës.
Në mbishkrimin e fotografisë, Vesa tregon se edhe pse mike të mira tash e 15 vite, ajo nuk po arrin që ta bind Jehonës drejt avancimit në rrjetet sociale, më saktësisht me hapjen e një llogarie në Instagram.
“Loçka e loçkës- 15 vjet shoqëri e dashuri, ama kurrqysh me bind me e qel një instagram”, ka shkruar Vesa Luma në mbishkrimin e fotografisë. /Telegrafi/