Këngëtarja e njohur shqiptare, Vesa Luma, jeton tashmë prej vitesh me bashkëshortin dhe djalin e saj në Zelandë të Re.
Ajo u zhvendos atje për një jetë më të mirë, gjersa herë pas here vjen në Kosovë.
Shpërngulja atje i ka dhënë një tjetër dimension Vesës, e cila ka krijuar në shtetin e largët miqësi me komunitetin shqiptar që jetojnë atje.
Ajo madje së fundmi ka pranuar një dhuratë nga Ambasada e Kosovës në Australi.
Bëhet fjalë për një kartolinë motivuese me vulë të ambasadës, e cila i uron këngëtares një vit sa më të mbarë asaj dhe familjes.
E lumtur për këtë befasi të këndshme, Luma ndau me ndjekësit e saj në InstaStory një pamje të kartolinës së marrë dhuratë.
“Faleminderit nga zemra për kujdesin Ambasada e Kosovës në Australi. Uroj që planet tona të takohemi sa më shpejt me bashkatdhetarët në Australi, të realizohen këtë vit”, ka shkruar Vesa në InstaStory.
Vesa përndryshe ka munguar paksa nga ana e prurjeve muzikore, mirëpo ka premtuar për fansat se do të rikthehet shumë shpejt me diçka të re. /Telegrafi/
