Mesfushori i Paris Saint-Germainit, Marco Verratti, dëshiron të kthehet te Pescara para se të pensionohet, ndërsa ka thënë se i pëlqen të luajë me Lionel Messin në kryeqytetin francez.
Italiani kurrë nuk ka luajtur në Serie A, pasi ishte larguar nga Pescara në verën e vitit 2012 dhe qëndroi në Ligue 1 që atëherë.
“Jam i dashuruar me PSG-në dhe për këtë përpiqem të jap gjithmonë më të mirën për të shpaguar besimin që më është dhënë”.
“Kam qenë thuajse fëmijë kur kam arritur, erdha nga një qytet i vogël provincial dhe e gjeta gjithçka këtu. Ishte gjithçka e mrekullueshme, u bëra burrë, gjeta dashurinë dhe fëmijët e mi kanë lindur këtu”.
“Jeta ma ka dhënë mundësinë që të luaj çdo ditë me lojtarin më të mirë në botë. Fizikisht, ai është shumë i mirë, ndërsa me top është akoma më i mirë”.
“Më ka mbetur akoma kohë (për të luajtur), ajo që është se do të qëndroj gjithmonë këtu. Para se të pensionohem, do të kthehem te Pescara”.
“Do ta bëj për miqtë dhe familjen time. Dhe pastaj, kuptohet, sepse është deti dhe malet”, ka deklaruar Verratti për France Info. /Telegrafi/