Transferimi i portierit Gianlugi Donnarumma te Paris Saint-Germain është vetëm çështje ditësh, pasi tashmë kanë ardhur konfirmimet e para.
PSG nuk e ka ndërmend të ndalet në afatin kalimtar të verës dhe transferimi i portierit italian, Donnarumma, pritet të zyrtarizohet shumë shpejtë.
Është bashkëlojtari i tij te kombëtarja e Italisë, Marco Verratti, i cili ka ‘konfirmuar’ transferimin e Donnarummas te PSG.
“Ai meriton të bashkohet me një klub të madh evropian për të pasur ambicien për të fituar Ligën e Kampionëve”.
“Jam i lumtur që kam Donnarumman si shok të ri të ekipit në PSG. Ai do të na ndihmojë shumë”, ka thënë Verratti.
Ndryshe, PSG gjatë ditës konfirmoi transferimin e Sergio Ramosit, ndërsa para disa ditësh kompletoi edhe lëvizjet për Giorginio Wijnaldum dhe Achraf Hakimi. /Telegrafi/
Marco Verratti ‘confirms’ Gigio Donnarumma to Paris Saint-Germain: “He deserves to join a top European club to have the ambition to win the Champions League. I’m happy to have Donnarumma as new team mate at PSG, he will help us a lot”, Verratti says. 🇮🇹🇫🇷 #PSG
— Fabrizio Romano (@FabrizioRomano) July 8, 2021