Ishte një nga mesfushorët më të mirë në botë. Por, Juan Sebastian Veron ka vendosur të kthehet në fushë në moshën 42-vjeçare dhe duke luajtur për Estudiantes.
Ai në marrëveshje me trajnerin Nelson Vivas vendosi që të ndihmojë ekipin në luftën për trofeun e ‘Copa Libertadores”.
Siç raporton “Yahoo Sports”, Veron do të stërvitet për 50 ditë rresht për të arritur nivelin optimal për ndeshje.
Veron, i cili u pensionua para dy vjetërve, ka luajtur për Boca Juniors, Sampdorian, Parmën, Lazion, Manchester Unitedin, Chelsean dhe Interin. /Telegrafi/