Komisioni Shtetëror për Pengimin e Korruspionit (KSHPK) ka konstatuar gjendje të përplasjes së interesave te Sonja Karkalasheva, bazuar në Nenin 9 të Ligjit për pengimin e përplasjes së interesave, përcjell Telegrafi Maqedoni.
Personi në fjalë është anëtare e Këshillit shkollor në shkollën fillore ”Petar Musev” në Bogdanci, e kryen edhe funksionin e menaxheres së dy shoqërive tregtare ”Aluminko – Aleks Dooel” dhe ”Bodig Kompani Doel export-import”.
Prandaj, KSHPK-ja ka kërkuar nga personi Sonja Karkalasheva, që në afat prej 15 ditësh, nga dita e pranimit të kërkesës, të heqë dorë vullnetarisht nga kryerja e njërit nga funksionet, për t’i dhënë fund përplasjes së interesave.
Karkalasheva nuk e ka respektuar kërkesën e KSHPK-së, prandaj edhe lëshohet kjo vërejtje publike./Telegrafi/