Kufiri mes Venezuelës dhe Kolumbisë është rihapur pas gati një viti. Mijëra njerëz filluan të kalojnë në Kolumbi në orët e para të së shtunës për t’u furnizuar me gjëra të nevojshme për ta, ndaj janë krijuar radhë të gjata para mëngjesit.
Venezuela po përballet me një krizë të rëndë ekonomike, për shkak të mungesës së shumë mallrave. Ajo kishte mbyllur kufirin e saj me Kolumbinë për arsye të sigurisë.
Pesë pikat kufitare do të mbeten të hapura rreth 12 orë çdo ditë, transmeton KosovaPress.
“Unë kam pasur artrit për shtatë vjet dhe nuk kam qenë në gjendje të gjej medikamente për gjashtë muajt e fundit”, ka thënë Marco Tulio Berdugo, një kolumbian në Venezuelë.
“Unë kam ardhur me familjen time për të bërë pazar, sepse ne nuk kemi mundur të gjejmë ndonjë gjë për të ngrënë”, tha studenti i inxhinierisë, Ëilmary Salcedo.