Këto analiza anë të detyrueshme:
Vizitë gjinekologjike të paktën një herë në vit, për tu siguruar që nuk ke infeksione dhe që mitra dhe vezoret janë në madhësinë e duhur.
Pap Testi, sinjalizon çdo ndryshim në qelizat e qafës së mitrës dhe përsëritet çdo vit.
Ekografi mamale. Pas të 25-tave është e detyrueshme të bësh vizita dhe ekografi të gjoksit dhe gjëndrave mamale.
Këto janë fakultative:
Eko vaginale. Një sondë në vaginë, tregon mitrën dhe vezoret dhe sigurohesh që nuk ke kiste, polipe ose fibroma (që shpesh nuk kanë simptoma)
Eko barku, bëhet nga jashtë, me fshikëzën plot. Dhe vlerëson madhësinë e mitrës dhe strukturën e indeve. Në krahasim me atë vaginale ka dy avantazhe, mund ta bësh edhe kur ke ciklin dhe mund të marrësh vesh nëse fshikëza jote është në rregull.
Këto këshillohen nëse:
Kryen marrëdhënie jo të mbrojtura:
Testi i HPV-së ose Human Papilloma Virus. Ky test të shërben për të sinjalizuar këtë virus para se indet e qafës së mitrës të pësojnë ndonjë transformim të rëndësishëm. Është e afërt me strishon vaginale dhe shpesh dy ekzaminimet bëhen bashkë. Është e nevojshme nëse shkëmben shumë partner ose nëse Pap Testi ka sinjalizuar prezencë të HPV-së.
Ke djegie gjatë raporteve ose shkarkime të pazakonshme:
Mund të kesh ndonjë infeksion. Për të zbuluar shkakun, bëj një tampon vaginal.
Me anë të një shkopi me pambuk, mjeku mbledh sekrecionet vaginale dhe i dërgon në laborator për ti analizuar.
Pap testi tregon qelizat anormale ndërsa Kolposkopia është një sondë mikroskopike në vaginë që observon shumë të zmadhuara zgjerimet e indeve.
Nëna jote ka patur tumor në gji:
Mamografia: Bëhet çdo vit pas të 40-tave por në këtë ti duhet ta nisësh proçedurën pas moshës 25 vjeç.
Merr kontraceptiv:
Metodat kontraceptive hormonale mund të rrisin tensionin sidomos nëse pi duhan ose je mbi peshë. Të leverdis të bësh një analizë të tensionit dhe të gjakut, për koagulimin dhe rrezikun e trombozës.
Cikli nuk është i rregullt:
Analizat e hormoneve masin progresteronin dhe estrogjenin në gjak, për të gjetur kurën. /Telegrafi/