Një djalë 9-vjeçar nga Berlini që po luante fshehtas me vëllanë e tij të vogël, mendoi se kasaforta është vendi i përkryer për t’u fshehur, por ka mbetur i bllokuar brenda saj për plot tri orë derisa u detyruan zjarrfikësit të intervenojnë.
Ngjarja e pazakontë ka ndodhur të premten në shtëpinë e gjyshit të fëmijëve, kur ai nuk ishte në shtëpi dhe ishte i vetmi person që e dinte fjalëkalimin për hapjen e kasafortës, transmeton Telegrafi.
Anëtarët e familjes kishin arritur ta “lokalizojnë” djaloshin, por nuk kanë arritur ta hapin kasafortën pasi nuk e dinin fjalëkalimin, kështu u detyruan t’i telefonojnë zjarrfikësit.
Ata fillimisht tentuan ta hapin duke shtypur numra të ndryshëm me shpresën se do t’ia qëllojnë, por pa sukses. Më pas ata i futën një tub përmes të cilit do të mund të merrte frymë.
Ungewöhnlicher Einsatz in #Lichterfelde: Ein Kind hat sich beim Spielen in einem Tresor eingeschlossen. Es wurde von unseren Kollegen der @Berliner_Fw befreit. Dem Kind geht es gut und es ist wohlauf. #WirRettenBerlin pic.twitter.com/oz0z2pYCnt
— Berliner Feuerwehr (@Berliner_Fw) December 15, 2017
Tri orë më vonë kur vendosën ta thyejnë kasafortën, dikush prej tyre e gjeti rastësisht fjalëkalimin dhe kështu e nxorën nga pa ndonjë lëndim vogëlushin.
Zjarrfikësit e Berlinit kanë njoftuar në Twitter se vogëlushi është mirë, kurse zjarrfikësi Tomas Kirsten e ka quajtur “shpëtimin e të riut “dhuratë për Krishtlindje”. /Telegrafi/