Ishin të tre së bashku në Basel, por tani janë në tri klube të ndryshme.
Fjala është për futbollistët shqiptarë apo siç njihen ndryshe vëllezërit Ajeti, Arlindi, Albiani dhe Adonisi.
Përderisa Arlind Ajeti po luan në Torino, dy të voglit aktivizohen në kampionatin zviceran, transmeton Telegrafi.
Albian Ajeti është mjaftë i suksesshëm duke u aktivizuar me St Gallen ku ka shënuar tetë gola.
Por Albiani mund të bëhet sërish bashkë në një klub me Adonisin i cili është pjesë e Wilit.
Skuadra zvicerane, St Gallen është duke tentuar transferimin e Adonisit në verë.
Madje sipas medieve zvicerane, St Gallen tani vetëm ka siguruar shërbimet e mbrojtësit 20-vjeçar.
Duhet theksuar se për shërbimet e Adonisit interesim ka shprehur edhe skuadra tjetër zvicerane Luzern.
Mbrojtësi shtatlartë ka kontratë me Wilin deri në qershor të vitit 2020, ndërsa ai mund të largohet për rreth 500 mijë euro. /Telegrafi/
