Ecuria pozitive e nisur në xhiron e pestë kundër Yllit, ka vazhduar edhe në xhiron e nëntë për skuadrën gjakovare.
Vëllaznimi të shtunën në palestrën “Shani Nushi” në Gjakovë, ka fituar me rezultatin 102:80 përballë Bashkimit në një atmosferë të zjarrtë.
Dominimi i vendësve nisi që nga fillimi. Çerekun e parë e fituan me rezultatin 34:22, ndërsa dallimi i madh në pikë u bë në 10-të minutëshin e dytë që u mbyll 20:13 për vendësit, që shkuan në pushim me 19 pikë epërsi, 54:35.
“Kuqezinjtë” vazhduan paraqitjen e mirë edhe në periudhën e tretë e të katërt duke e administruar mirë lojën, për të triumfuar në fund me 22 pikë dallim
Pesë lojtarë të Vëllaznimit realizuan pikë dyshifrore. Më i dalluari ishte Samuel Sessoms me 24 pikë, 5 kërcime e 10-të asistime. Lojë të mirë pati edhe Jalen Ray me 24 pikë, katër kërcime e katër asistime./Telegrafi/