Zyrtarët britanikë kishin besuar se Samson, i cili jeton në Keni, ishte i akuzuar për sulm seksual ndaj një britanikeje, mirëpo shumë shpejt është zbuluar se akuzat ishin të rrejshme.
Megjithatë, Samson sërish nuk ka arritur të sigurojë vizë për në Britani të Madhe, pasi njëri nga policët kufitarë kishte vërejtur një “dokument të falsifikuar të tij”.
Samson kishte udhëtuar nga Kenia në drejtim të SHBA-ve për të marrë pjesë në inaugurimin e Presidentit amerikan gjatë ceremonisë së janarit, ndërsa kishte qëndruar për një kohë të shkurtë në Aeroportin East Midlands, ku është ndalur nga zyrtarët e imigracionit.
“News of the World” njofton se ai nuk është lejuar të largohet nga aeroporti dhe është nisur me aeroplan për në SHBA.
Samson është njëri nga 11 gjysmëvëllezërit dhe motrat e Presidentit Obama, nga ana e babait të tij, Barack Obama Senior, i cili kishte fëmijë me katër gra.