Vëllai i Elon Musk, Kimbal Musk, u ndje i pashpresë kur Elon u rrah “rëndë” në shkollë.
Sipas mediave të huaja, përcjell Telegrafi, Kimbal Musk tregoi përvojën e tij kur u rrit me vëllain e tij më të madh në Afrikën e Jugut, një vend që ai e përshkroi si “shumë të dhunshëm” në atë kohë.
“Ai padyshim i kishte mërzitur ata në një formë, por asgjë që do të justifikonte rrahjen e dikujt, gjë që ata po përpiqeshin të bënin”, ka thënë Kimbal Musk.
Ai shtoi: “Nuk mund të bëja asgjë”.
Në një incident të veçantë, Kimbal dhe Elon Musk ishin në një tren, dhe një burrë përpara tyre u godit me thikë në kokë dhe vdiq “aty”, tha ai, ndërsa të gjithë u përpoqën të dilnin jashtë.
Elon Musk ka folur më parë për përvojat e tij të fëmijërisë, ku përshkroi ndjekjet nga bandat në shkollë.
Sipas The Times, nëna e tyre, Maye Musk, një dietologe dhe modele profesioniste, u dhunua fizikisht dhe emocionalisht nga bashkëshorti i saj, Errol Musk, i cili shpesh qortonte dhe abuzonte verbalisht dy djemtë. /Telegrafi/