Ministri i Punëve të Brendshme, Agim Veliu ka takuar koordinatorin shtetëror për dialogun, Skënder Hyseni, me të cilin kanë diskutuar për procesin e dialogut mes Kosovës dhe Serbisë.
Veliu përmes një postimi të tij në rrjetin social në Facebook ka shkruar se institucionet e Kosovës janë të përkushtuara në punën që po bëjnë, me qëllim që pas negociatave të arrihet deri tek marrëveshja finale mes dy shteteve Kosovë-Serbi.
“Sot, prita në takim Koordinatorin Shtetëror për Dialog, Skender Hyseni, me të cilin diskutuam për procesin e dialogut mes Kosovës dhe Serbisë. Biseduam për përgatitjet që po i bënë Republika e Kosovës në ballafaqimet që do t’i ketë në dialogun me Serbinë si dhe aspektet e ndryshme të sigurisë që lidhen drejtpërdrejtë me procesin e negociatave. Bashkë vlerësuam se institucionet e Kosovës janë të përkushtuara në punën që po bëjnë me qëllim që pas negociatave të arrihet deri tek marrëveshja finale mes dy shteteve, e që është njohja reciproke dhe normalizimi i marrëdhënieve”, ka shkruar Veliu në Facebook. /Telegrafi/
