Kryetari i Bashkisë së Tiranës, Erion Veliaj, në një njoftim të radhës të bërë në rrjete sociale tha se qyteti i Tiranës do të jetë sponsor zyrtar i festivalit DokuFest.
Lajmin e ka bërë në një postim të shpërndarë me ndjekësit në llogarinë zyrtare, Twitter.
Ai mes tjerash shton se është e rëndësishme bashkimi i trojeve shqiptare, ndonëse festivali mbahet rëndom në Prizren.
Sh i lumtur qe kete vit @CityOfTirana do jete sponsor zyrtar i @DokuFest ne Prizren kuruar me ❤️ nga Vetoni, Erolli, Nita & miq!
Ndonese jo ne Tirane, por me sh pjesmarrje nga Tirana, per ne ka rendesi qe jeta kulturore te geloje ketej, andej e gjithandej ku ka shqiptare! ??❤️?? pic.twitter.com/KaXuHR4zEC
— Erion Veliaj #EYC2022 ???? (@erionveliaj) June 15, 2022
“Shumë i lumtur që këtë vit qyteti i Tiranës do të jetë sponsor zyrtar i Dokufest në Prizren kuruar me zemër nga Vetoni, Erolli, Nita & miq”, nis postimi i Veliajt.
“Ndonëse jo në Tiranë, por me shumë pjesëmarrje nga Tirana, për ne ka rëndësi që jeta kulturore të gëlojë këtej, andej e gjithandej ku ka shqiptarë” thotë tutje kryebashkiaku.
Krahas kësaj, ditën e djeshme (e martë) u bë e ditur se “Sunny Hill Festival 2022” do të zhvendoset në Tiranë.
Festivali më i madh kulturor në vend do të mbahet më 4, 5, 6 dhe 7 gusht 2022 me pjesëmarrjen e një sërë artistëve të njohur ndërkombëtar. /Telegrafi/
