Gazetari Vehbi Kajtazi, ka hedhur një sërë akuzash për kryetarin e Komunës së Drenasit, Ramiz Lladrovcin.
Në llogarinë e tij zyrtare në Tëitter, ka Kajtazi thotë se Lladrovci është një prej personave që e kanë dërguar Hashim Thaçin në Hagë për rastin e Behajdin Hallaqit.
“Ramiz Lladrovci, ti je njeri prej atyre që e ke çu Hashim Thaçin në Hagë për zhdukjen/vrasjen e Bejhadin Hallaqit”, ka shkruar Kajtazi.
Nderkaq, Ramiz Lladrovci në vitin 2003 ia kishte shkruar tri letra Hashim Thaçi.
Me anë të këtyre letrave kërkonte të takohej me Thaçin për t’ia dëshmuar se “nuk po bashkëpunonte me shërbime të huaja” kundër kryetarit të atëhershëm të PDK-së.
Lladrovci i ankohej Thaçit se shumë prej drejtuesve të UÇK-së e shihnin atë si spiun të shërbimeve të huaja. Mes tjerash përmendte vrasjen e Bejadin Allaqit, një nga drejtuesit e UÇK-së në vrasjen e të cilit implikohet Hashim Thaçi në këtë letër.
Kryetari i Kuvendit të Drenasit, atë kohë Naim Bazaj, pati thënë për Indeksonline se me këto letra Lladrovci ka siguruar pozitën e ambasadorit dhe atë të kandidatit të PDK-së për kryetar komune, njofton Telegrafi.
Ramiz Lladrovci, ti je njeri prej atyre qe e ke çu Hashim Thaçin ne Hage per zhdukjen/vrasjen e Bejhadin Hallaqit.
— Vehbi Kajtazi (@vehbikajtazi) January 15, 2021