Faqja e njohur e statistikave Sofascore ka publikuar formacionin më të mirë të sezonit 2022/24 në Ligën e Kombeve, e cila u mbyll para disa ditësh.
Sezoni i Ligës së Kombeve përfundoi me 18 qershor, ku Spanja triumfoi ndaj Kroacisë falë fitores në penallti me rezultat 5-4.
Megjithatë, pjesë e formacionin më të mirë të të gjithë sezonit në Ligën e Kombeve gjendet vetëm një spanjoll dhe asnjë kroat. Portieri Unai Simon është i vetmi pjesë e formacionin me një notë mesatare prej 7.22.
Por, ajo që bie në sy është prezenca e sulmuesit të Përfaqësueses së Kosovës, Vedat Muriqit, i vetëm në majën e sulmit të formacionin më të mirë nga Sofascore.
Muriqi është i dyti me notën më të lartë në formacion , duke pasur mesatare prej 7.90, ndërsa para tij ishte vetëm Kvicha Kvaratskhelia me notë mesatare prej 7.95.
Si sulmuesi i Kosovës, ashtu edhe ylli gjeorgjian patën nga 5 gola dhe 3 asistime, duke qenë më produktivët gjatë këtij edicioni të Ligës së Kombeve.
Pjesë e formacionit ishin edhe emra si Kostas Mavropanos, Nathan Collins, Igor Armas, Joshua Kimmich, Pierre Hojbjerg, Roberts Savalnieks, Anastasios Bakasetas dhe John McGinn.
Ndryshe, Kosova në sezonin e fundit ishte pjesë e Grupi 2 të Ligës C, ku përfundoi e dyta me 9 pikë, gjashtë më pak se Greqia e para dhe katër më shumë se Irlanda e Veriut e treta dhe Qipro e katërta. /Telegrafi/