Gjatë orëve të para të mëngjesit të sotëm ka ndërruar jetë Qëndresa Llapashtica Ismajli, 26 vjeçarja për të cilën familjarët kërkuan ndihmë për shërimin e saj jashtë Kosovës, pasi vuante nga leukemia aktute.
Lajmi u bë i ditur nga bashkëshorti i saj, Erduan Ismajli.
“Me pikëllim të thellë dhe zemër të thyer, të dashur familjarë, miq e dashamirë ju njoftojmë se me 17.10.2023 ndërroi jetë më e dashura jonë, Qendresa Llapshtica-Ismajli.
Varrimi bëhet me datë 19.10.2023 në Prishtinë tek varrezat e Dragodanit me namazin e drekes (13:00. Të pikëlluar familja Llapashtica dhe Ismajl”, thuhet në njoftim.
Ndryshe, Qendresa Llapashtica-Ismajli, 26-vjeçe, nënë e dy fëmijëve, ishte diagonstikuar me leukemi akute. /Telegrafi/
