Vajza e komikut Bill Cosby, Ensa Cosby, ka ndërruar jetë në moshën 44 vjeçare.
Zëdhënësi i familjes Cosby ka bërë të ditur se ajo ka vdekur në Massachusetts, si pasojë e një sëmundjeje të veshkës.
Ensa, e cila ka luajtur në një episod të The Cosby Show, në kohët e fundit ka pasur probleme shëndetësore dhe kishte pritur transplantimin e veshkës.
Në vitin e kaluar, ajo e kishte mbrojtur babanë e saj në gjykatë, ku është i paditur për drogim dhe keqtrajtim seksual të një femre.
Bill Cosby vazhdon t’i mohojë të gjitha akuzat, ndërsa seanca e re është caktuar për në muajin prill.
Komiku i popullarizuar i ka edhe tri vajza të tjera, Evin, Errin dhe Erika, ndërsa djali i tij, Ennis, u vra në vitin 1997, gjatë një grabitjeje të pasuksesshme.
Ensa Cosby ka lënë pas vetes një fëmijë. /Telegrafi/