Sekretari i Përgjithshëm i Organizatës së Vendeve Eksportuese të Naftës (OPEC), Mohammad Barkindo vdiq të martën në moshën 63-vjeçare, njoftoi kreu i korporatës shtetërore nigeriane të naftës NNPC.
Veterani i industrisë së naftës duhej të largohej nga posti i tij në krye të OPEC në fund të muajit pas një mandati gjashtë-vjeçar, raporton reuters.
“Ne kemi humbur doktorin tonë të nderuar Muhammad Sanusi Barkindo”, shkroi në Twitter CEO i kompanisë nigeriane, Mele Kyari, duke shtuar se Barkindo vdiq të martën mbrëma.
Vdekja e tij “është një humbje e madhe për familjen e tij, NNPC, vendin tonë Nigeri, OPEC dhe komunitetin global të energjisë”, shkroi Kyari.
We lost our esteemed Dr Muhammad Sanusi Barkindo. He died at about 11pm yesterday 5th July 2022. Certainly a great loss to his immediate family, the NNPC, our country Nigeria, the OPEC and the global energy community. Burial arrangements will be announced shortly.
— Mele Kyari (@MKKyari) July 6, 2022
Ai shtoi se Barkindo vdiq disa orë pas takimit me presidentin nigerian, Muhammadu Buhari dhe duke folur në një samit të energjisë në Abuja. Mandati i tij në krye të OPEC-ut u shënua nga goditjet globale në industrinë e naftës dhe gazit.
Duke folur në Abuja, Barkindo tha se industria e naftës dhe gazit ishte “nën sulm” dhe ishte ende duke u rikuperuar nga humbjet e mëdha të investimeve në vitet e fundit.
“Në një periudhë shumë të shkurtër kohore, industria u godit nga dy cikle të mëdha – një krizë serioze e tregut në 2015 dhe 2016 dhe pandemia Covid-19 me pasoja edhe më të gjera”, tha Barkindo.
Ai e filloi karrierën në industrinë e naftës në Nigeri në fillim të viteve 1980. Ai mbajti poste të ndryshme në kompaninë shtetërore të naftës dhe përfaqësoi Nigerinë në Bordin e Komisionit Ekonomik të OPEC-ut.
Në vitin 2006, ai ishte zëvendëssekretar i përgjithshëm i OPEC-ut dhe dhjetë vjet më vonë mori drejtimin e kartelit të naftës, të cilin e drejtoi në një periudhë të trazuar për tregun e naftës, të shënuar, ndër të tjera, nga rritja e bashkëpunimit me prodhuesit e pavarur. /Telegrafi/
Dr Muhammad Sanusi Barkindo will be buried in his home town of Yola at 4pm today 6th July 2022. The Janaiza prayers will be offered at the Yola Central mosque by the Lamido of Adamawa’s palace. May Allah forgive him and have mercy upon him.
— Mele Kyari (@MKKyari) July 6, 2022