Shërbimi Spitalor dhe Klinik Universitar i Kosovës (SHSKUK) ka njoftuar se ka ndërruar jetë infermieri, Bujar Vitija.
Në njoftim thuhet se ai vdiq papritmas, në moshë të re, transmeton Telegrafi.
“Ai ishte punëtor i shquar, i zellshëm dhe me përkushtim shërbeu në Klinikën e Syve, të Qendrës Klinike dhe Universitare të Kosovës. I ri dhe plot energji, gjithmonë ishte i gatshëm të ndihmonte të tjerë, pa e kursyer veten në asnjë moment. Përkushtimi dhe përkujdesja e tij për pacientët do të mbesin të paharrueshme në kujtimet tona”, thuhet në njoftim.
SHSKUK ka ngushëlluar familjen dhe të afërmit e tij./Telegrafi/
