Një fëmijë nga Gjilani ka vdekur në Qendrën Klinike Universitare në Prishtinë, si pasojë e plagëve të marra nga shpërthimi i një bombole të gazit në shtëpinë e tij.
Sipas Policisë, fëmija është lënduar më 18 janar të këtij viti, ku fillimisht është dërguar për tretman mjekësor në spitalin e Gjilanit e më pas në QKUK-Prishtinë, ku edhe ka vdekur.
Rasti i ndodhur nuk është raportuar në polici as nga familjarët e as nga Spitali deri më sot, kur viktima ka ndërruar jetë.
Lidhur me rastin janë njoftuar Njësitet përkatëse policore dhe prokurori.