Oda e Mjekëve të Kosovës ka njoftuar se ka ndërruar jetë doktori, Fadil Zuka si pasojë e COVID-19.
Oda e Mjekëve të Kosovës thekson se Fadil Zuka është doktori i parë që humb betejën me coronavirus, transmeton Telegrafi.
“Ndahet nga jeta mjeku familjar Dr. Fadil Zuka. Dr.Zuka i takonte gjeneratës së mjekëve që ishin të persekutuar nga regjimi serb dhe kishin bërë shumë sakrifica për të ju shërbyer popullatës shqiptare që nga vitet e 90-ta. Në kohët më të vështira kishte shërbyer në Ambulanten e Shoqatës Humanitare ‘Nëna Terezë’ në Viti, pastaj në Pozheran”, thuhet në njoftim.
Oda e Mjekëve të Kosovës ngushëllon familjen, miqtë dhe kolegët e doktorit Zuka.
Ndryshe, që nga fillimi i pandemisë e deri tani në Kosovë me coronavirus janë infektuar 5 mijë e 877 persona, 3 mijë e 69 persona janë shëruar, kurse janë regjistruar edhe 139 raste të vdekjes të cilët kanë pasur sëmundje tjera shoqëruese.
Aktualisht raste aktive me COVID-19 në Kosovë janë 2 mijë e 669./Telegrafi/
