Ambasadori gjerman në Kinë, Jan Hecker, ka vdekur papritur në moshën 54 -vjeçare, pas vetëm disa javësh në pozitën e tij të re, sipas një deklarate të postuar në faqen e internetit të Ambasadës gjermane të hënën.
Sipas mediave të huaja, përcjell Telegrafi, Hecker kishte punuar si këshilltar i politikës së jashtme të kancelares gjermane Angela Merkel para se të merrte postin e tij si ambasador në Pekin më 24 gusht.
“Ne jemi thellësisht të trishtuar dhe të tronditur kur mësuam për vdekjen e papritur të ambasadorit gjerman në Kinë”, ka thënë të hënën zëdhënësi i Ministrisë së Jashtme gjermane. “Zemrat tona janë me familjen e tij dhe miqtë dhe kolegët e tij në këtë kohë”.
Rrethanat rreth vdekjes së diplomatit nuk janë bërë të ditura.
Hecker mori postin e tij si ambasadori i 14-të gjerman në Kinë në fund të gushtit.
Para emërimit të tij, ai shërbeu si Drejtor i Departamentit të Politikës së Jashtme, Sigurisë dhe Zhvillimit dhe kishte qenë këshilltar i politikës së jashtme të Angela Merkel që nga viti 2017, tha ambasada në Pekin në llogarinë e saj zyrtare në Weibo. /Telegrafi/