Ish- kryetari i Akademisë se Shkencave në Shqipëri, i laureuar disa herë me çmim republike ka qenë një personalitet i shquar në fushën e gjuhësisë.
Albanologu i shquar, profesor Shaban Demiraj u lind në Vlorë, por për shumë vite jetoi dhe punoi në Tiranë.
Është një nga shkencëtarët më në zë në vend që ka pasur një rol të madh në përshtatjen e Akademisë së Shkencave me zhvillimet e ndërrimit të sistemeve politike në vend.
Ai do të varroset në Tiranë.
Demiraj i solli shkencës gjuhësore shqiptare, por edhe ballkanike, vlera të mëdha përmes shumë veprave monumentale.
Akademiku Shaban Demiraj është autor i shumë artikujve shkencorë të botuar në revista shkencore vendase dhe të huaja.
Zyrtarë të lartë të Shqipërisë dhe Kosovës kanë dërguar telegrame ngushëllimi për të. /Telegrafi/