Një 17 vjeçar me inicialet L.S ka humbur jetën gjatë një aksidenti trafiku që ka ndodhur sot rreth orës 13:57 minuta, na dalje të fshatit Talinoc të Muhaxherëve në Ferizaj.
Rasti ka ndodhur në rrugën lokale Talinoc i Muhaxherëve-Rahovicë.
Sipas policisë, deri tek aksidenti ka ardhur pasiqë ngasësi i veturës me targa lokale, L.S tashmë i ndjerë si pasojë e mospërshtatjes së shpejtësisë kushteve të rrugës, ka humbur kontrollin mbi automjetin duke dalur nga rruga dhe më pas duke u rrokullisur me automjet.
Me këtë rast ,ngasësi merr lëndime të rënda trupore dhe nga ana e mjekut në Emergjencën e Ferizajt është konstatuar se viktima ka ndërruar jetë.
Me urdhër të Prokurorit, trupi i pajetë është dërguar ne Institutin e Mjekësisë Ligjore për obduksion.
Me rast janë duke u marrë hetuesit e Njësisë së trafikut rrugorë Ferizaj.